Skip to main content

YN DILYN CYHOEDDIAD LLYWODRAETH CYMRU, BYDD Y CYFYNGIADAU O RAN TEITHIO HANFODOL AR DRAFNIDIAETH GYHOEDDUS YN CAEL EU CODI O DDYDD LLUN 17 AWST.

MAE MODD ARCHEBU TEITHIAU YMLAEN LLAW O DDYDD LLUN I DDYDD SADWRN AC MAE CYSYLLTIADAU Â GWASANAETHAU T1, T5 A 460 YN CAEL EU CYNNIG O HYD. NODWCH FOD LLWYBRAU SEFYDLOG BWCABUS WEDI’U HATAL O HYD.

OS NAD YDYCH YN GWYBOD SUT I DDEFNYDDIO’R GWASANAETH ARCHEBU YMLAEN LLAW GALLWCH FFONIO’R STAFF DWYIEITHOG A CHYFEILLGAR YN EIN CANOLFAN ALWADAU 7 DIWRNOD YR WYTHNOS – 01239 801 601.  

GADEWCH I NI GYNLLUNIO EICH TAITH.

Wrth i wasanaethau bysiau ddechrau dychwelyd i’r drefn arferol, rydym am roi sicrwydd i deithwyr sy’n dychwelyd a theithwyr newydd o’r hyn y gellir ei ddisgwyl gan ein gwasanaeth.

Mae tîm Bwcabus, sy’n gweithio law yn llaw â chwmni bysiau’r Brodyr Richards wedi cyflwyno rhai newidiadau er diogelwch ein teithwyr a’n gyrwyr.

  • Bydd pob cerbyd yn cynnwys peiriannau diheintio dwylo awtomatig

  • Sgriniau diogelu i’r gyrwyr sydd wedi’u gosod i greu rhwystr corfforol rhwng teithwyr a gyrwyr.

  • Trefn lanhau mwy manwl ar ein holl gerbydau

  • Uchafswm nifer y seddi fydd 50% ar unrhyw un adeg.

Mae’r uchod hefyd yn berthnasol i wasanaethau cysylltu T1, T5 a 460 TrawsCymru.

Nodyn atgoffa

  • Peidiwch â theithio os ydych yn dioddef unrhyw symptomau coronafeirws neu’n hunanynysu

  • Dylech gadw pellter cymdeithasol ac aros 2 fetr ar wahân lle bo’n bosibl.

  • Golchwch eich dwylo yn aml.

  • Gwisgwch orchudd wyneb oni bai eich bod wedi cael eich eithrio rhag gwneud hyn ar sail feddygol neu eich bod o dan 11 oed.

  • Ceisiwch beidio â chyffwrdd ag arwynebau fel meinciau, botymau, drysau na’ch wyneb.

  • Peidiwch â bwyta nac yfed ar y bws.

  • Gorchuddiwch eich ceg a’ch trwyn â hances pan fyddwch yn peswch neu’n tisian, a rhowch yr hances mewn bin.

  • Defnyddiwch daliad digyffwrdd lle y bo’n bosibl

  • Dylid mynd un ar y tro ar y bws ac oddi ar y bws a sefyll yn ôl wrth arosfannau bysiau er mwyn gadael digon o le i deithwyr sy’n dod oddi ar y bws cyn i chi geisio mynd ar y bws.